Bio

BOK VAN BLERK

Facebook Twitter YouTube

Bio Bok van Blerk

Tweet about this on TwitterShare on FacebookShare on StumbleUponEmail this to someone

Koedoe (Tragelaphus strepsiceros)

Kenmerke

Die bulle het groot gedraaide horings, kan tot soveel as 300kg weeg en kan 1,5m in hoogte tot by die skouer wees.

Eland (Taurotragus oryx)

Kenmerke

Dis die grootste boksoort en die bulle kan tot soveel as 940kg weeg met ‘n kenmerkende boggel by die skouers.

Bok (GewildesMusikantus)

Kenmerke

Hierdie is die vermaaklikste boksoort en is bekend daarvoor dat hy musiek maak wat die kol tref en by alle Suid-Afrikaners aanklank behoort te vind. Hou ook sy lyf gereeld akteur en spog met meer as 163 000 volgelinge of Facebook, 105 000 op Twitter, CD verkope van by die half miljoen en ‘n lang lys toekennings.

Gebore op 30 Maart 1978 in Pretoria, het hy na skool Boukunde en Konstruksiebestuur gestudeer voordat hy vir sewe jaar lank in die boubedryf gewerk het. Maar die passie om musiek te maak het hom voortdurend daaraan herinner dat hy iets anders wil doen en teen 2005, het Bok bouwerk van ‘n ander aard aangepak deurdat hy as professionele musikant aan sy bewonderaarsbasis begin bou het. Vier albums en ‘n hele rits toekennings later, is Bok een van die land se mees herkenbare stemme en gesigte in die vermaakwêreld, veral nadat hy oor die laaste drie jaar ook gereeld in Suid-Afrikaanse films te siene was.

Bok se musiek spreek van ‘n liefde vir sy land en sy mense met ‘n sweempie humor wat hier en daar bygevoeg word. “De La Rey,” die eerste album met die gelyknamige titelsnit, het mense laat regop sit en notisie neem en multi-platinum verkope is behaal. In 2007 het Bok drie Huisgenoot Tempo Toekennings gewen, asook vyf Vonk Toekennings en die MK Musiekvideo van die Jaar. Tussendeur dit alles, help hy ook met die vervaardiging van die rugby musiekalbum “Ons Vir Jou” wat meer as 90 000 kopieë verkoop soos wat Wêreldbekerkoors die land oorheers. Daar word ook gewerk aan die opvolgalbum, “Afrikanerhart,” wat in 2009 vrygestel word en vinnig dubbel platinum verkope aanteken. In 2010, wen Bok die SAMA vir Bes Verkopende Album vir “Afrikanerhart” en word hy ook aangewys as die top verkopende Suid-Afrikaanse kunstenaar van die jaar.

Na die vrystelling van sy derde album, “My Kreet,” skaars ‘n jaar later, ontvang hy ‘n goue ere-toekenning by die 2011 Vonk Afrikaanse Musiek Toekennings. Dis ook in 2011 wat Bok as die hoofakteur in die film Platteland verskyn teenoor Lianie May en Steve Hofmeyr. Die rolprent word die grootste Afrikaanse film van die jaar en die DVD verkope bereik dubbel platinum status. Die situasie herhaal homself in 2013 toe Bok in die film “As Jy Sing” verskyn en dit die grootste Afrikaanse rolprent van die jaar word. Rondom dieselfde tyd wat die DVD vroeg in 2014 uitgereik is, verskyn Bok weer op die grootskerm in “Vrou Soek Boer.” Bok gaan ook in “Leading Lady,” ‘n internasionale rolprent wat later in 2014 vrygestel word, verskyn.  En hoewel als in groot geheimsinnigheid gehul is, is daar ook bevestig dat Bok aan nog ‘n ander rolprent gaan begin skiet in 2014.

Bok se vierde album, “Steek die vure aan,” word tydens Braaidag en Erfenisdagverrigtinge in 2013 bekendgestel aan ‘n handjievol media, mede-kunstenaars en lojale bewonderaars wat vinnig genoeg kaartjies kon bekom. Verkoopsukses is hoofsaaklik te danke aan die gewildheid van die eerste treffer, “Land van melk en heuning,” ‘n tipiese Bok testament van kragtige lirieke, ‘n dieper betekenis en iets wat trots aanwakker. Die CD was die top verkopende album in die land vir ses weke en “Land van melk en heuning” het die nommer 1 posisie op verskeie radiostasies se treffersparades gehaal. Die tweede treffer is die titelsnit self en het reeds die nommer 1 posisie behaal op verskeie stasies, insluitende beide Jacaranda FM se treffersparades, die Afrikaanse Top 20 en die Kia Top 20.

Bok is mal daaroor om te toer en optredes te hou. Twee persoonlike hoogtepunte vir hom was die eerste Afrikaans Is Groot konsert in 2012 voor ‘n skare van 28 000 mense in Pretoria en die daaropvolgende jaar se Afrikaans Is Groot konserte in Pretoria en Kaapstad voor 70 000 mense. Die DVDs van die konserte het ook onderskeidelik dubbel platinum en platinum status bereik met laasgenoemde wat steeds van die winkelrakke afvlieg. Bok is ook ‘n direksielid van die Afrikaans Is Groot Bestuurskomitee en ‘n aktiewe lid van die Hanna Liefdadigheid- en Bemagtigingsorganisasie. Hy het ook reeds twee keer deelgeneem aan die Bikers for Mandela Day inisiatief.

Bok glo vas daaraan dat bewonderaars nie altyd besef hoe baie hul lojaliteit en erkenning vir kunstenaars beteken nie. Juis daarom maak hy ‘n punt daarvan om met hulle te kommunikeer en op die hoogte te hou van waarmee hy besig is, hetsy by konserte of deur sosiale media. Daarvan getuig die meer as 120 000 volgelinge op Facebook en die meer as 68 000 Twitter volgelinge. Naas die bewonderaars, is Bok ook baie trots op sy assosiasie met borge soos Blaser, Sensation Boats, Samsung, Guvon Hotels, Titleist, The Dental Spa en Kingsley Heath en maak hy seker dat hulle gelukkig is met hul verhouding met hom.

Bok is ook mal daaroor om saam met ander kunstenaars te werk en het reeds liedjies opgeneem saam met Steve Hofmeyr, Valiant Swart, Robbie Wessels en Die Heuwels Fantasties. Hy is ‘n gewilde persoonlikheid in die Suid-Afrikaanse media en verskyn gereeld in koerante, tydskrifte en aanlyn, asook op radio en TV. Op TV het Bok ook al as aanbieder verskyn op programme soos die eerste seisoen van Toks & Tjops, gasaanbieder van Jukebox en Bok vir Sports waarvan die nuwe seisoen in 2014 vervaardig sal word en vroeg in 2015 uitgesaai sal word. Bok het selfs sy stem dik gemaak op die radiogolwe en in Maart 2014 vir drie dae lank as Anna Visser se mede-aanbieder op OFM se Breakfast Special verskyn. Bok se belangstellings en stokperdjies sluit in, die buitelewe, diepseehengel, jag, gholf, die bosveld en braai.

“Dis in my bloed. Ek geniet musiek maak. Geniet is miskien nie ‘n sterk genoeg woord nie. Ek is mal daaroor. Mal daaroor om te sien hoe mense aanklank vind by my lirieke, hoe hulle saamsing… mal daaroor om te hoor by my bewonderaars hoe ‘n liedjie hulle lewe geraak het of net hul gemoedstoestand gelig het. Ek voel geseënd om te kan sê ek geniet wat ek doen.”

As jy op die hoogte wil bly van Bok van Blerk se planne en optredes, sluit gerus aan by hom op sosiale media:
Twitter: @BokvanBlerkReal
Facebook: Bok van Blerk

Bio_Image2

Multi-Award winning solo artist

Has released five solo albums:

  • De La Rey
  • Afrikanerhart
  • My Kreet
  • Steek die vure aan
  • Sing Afrikaner Sing
  • Van De La Rey Tot Nou

Multi-Platinum CD seller

2007 – Three Huisgenoot Tempo Awards
2007 – Five Vonk Awards
2007 – MK Music Video of the year (De la Rey)
2007 – helped produce the rugby music album Ons vir Jou, that sold over 90 000 copies 2009 – His second album, Afrikanerhart, quickly reached double platinum status
2010 – SAMA – Best Selling Album (Afrikanerhart)
2010 – Top Selling SA Artist of the year
2012 – Performed in the first annual “Afrikaans is Groot” concert (28 000 people, Pretoria). The Concert DVD reached Double Platinum status
2013 – “Steek die vure can” album reached platinum status & was the top selling album in SA for over 6 weeks 2013 – The songs “Land van melk en heuning” and “Steek die vure aan” reached no 1 on several radio stations
2013 – Performed in the “Afrikaans is Groot” live shows (70 000 people, Pretoria & Cape Town). The Concert DVD has already reached platinum status.
2014 – Won the Jacaranda FM “World Cup of Music” Competition beatings several local and international artists, based on public votes
2015 – Huisgenoot Tempo Award – Best Actor, for his role in “Leading Lady”
2015 – Sing Afrikaner Sing reached Platinum status.
2016 – Celebrates his tenth year anniversary in the music industry with multiple fan events and widespread media coverage; a documentary is made detailing his career; and records his own live DVD with the biggest hits from the ten years, featuring guest artist Robbie Wessels.
2016 – “Van De La Rey Tot Nou” CD released and reached Gold status within a week. “Van De La Rey Tot Nou” Live DVD released.

Acting Career

2011 – Male Lead in the blockbuster film, “Platteland” (Biggest Afrikaans film of 2011. DVD reached double platinum status)
2013 – Male lead in the blockbuster film, “As Jy Sing” (Biggest Afrikaans film of 2013, DVD & Soundtrack reached multi-platinum status)
2014 – Male lead in the feature film “Vrou Soek Boer”
2014 – Male lead in the international feature film “Leading Lady”
2015 – Male lead in the feature film “Somer Son”
2016 – Supporting role in the feature film ‘Modder en Bloed”

Social media following

193 000 Facebook Fans
146 000 Twitter Followers
60 000 Instagrams Followers
Has run several successful social media campaigns, such as #Steekdievureaan album build up campaign, Samsung Trainer app promotion (generating the highest downloads of all celebrity participants)
Interacts with fans on a daily basis
Provides added value to sponsors and business partners

Professional associations

Sponsored by – Blaser, Sensation Boats, Tin Man Digital, Guvon Hotels, Titleist, The Dental Spa, Action Ford Roodepoort
Has featured widely in South African media including TV, Radio, Newspapers & Online.

Philanthrophy

Participated twice in Bikers for Mandela Day initiative
Active member of Hanna Charity and Empowerment Foundation

For more information, kindly contact:

Jenny Griesel
Jenny@Johanvorstersongs.co.za
076 129 9280